для каго: аспіранты і маладыя спецыялісты з Беларусі дзе: Вялікая Брытанія калі: 2012 - 2013 навучальны год фінансавыя ўмовы: стыпендыя дэдлайн: 23/12/2011 http://ukinbelarus.fco.gov.uk/be/news/?view=News&id=698614782

Стыпендыі Chevening Брытанскага ўрада з'яўляюцца аднымі з самых прэстыжных узнагарод для замежных студэнтаў, якія жадаюць прайсці курс навучання на Магістра або выканаць кароткатэрміновую даследчую працу ў Злучаным Каралеўстве.

Стыпендыя пакрывае зваротнае падарожжа да Вялікабрытаніі, кошт навучання і пражывання.

Паспяховыя кандыдаты вызначаюцца ў адпаведнасці з іх лідэрскімі якасцямі, дасягненнямі, акадэмічнымі і прафесійнымі кваліфікацыямі і валоданнем ангельскай мовай. Перавага будзе прадастаўляцца амбіцыйным і мэтанакіраваным прафесіяналам, якія плануюць жыць і працаваць у Беларусі і маюць намер укараняць змены і ўносіць уклад у развіццё краіны.

Патрабаванні:

• ўзрост да 35 гадоў;
• беларускае грамадзянства (кандыдаты павінны жыць у Беларусі на момант падачы заявы);
• наяўнасць дыплома аб вышэйшай адукацыі (мінімальнае патрабаванне - ступень Бакалаўра);
• свабоднае валоданне пісьмовай і гутарковай ангельскай мовай (большасць Брытанскіх Універсітэтаў патрабуюць 6,5 балаў IELTS для кадыдатаў на паслядыпломныя праграмы);
• пажадана мець не менш за трохгадовы досвед ў абранай вобласці (пасля заканчэння ВНУ);
• заявы на праграмы «Магістр бізнес-адміністравання» (MBA) не прымаюцца;
• кандыдаты, якія раней не атрымоўвалі Брытанскіх стыпендый, будуць мець перавагу, але кожная заява будзе разгледжана паводле агульных правілаў.

Прыярытэтныя вобласці:

• Эканоміка;
• Еўрапейскае права;
• Грамадскае, Канстытуцыйнае права і Правы чалавека;
• Міжнародныя адносіны (у тым ліку Міжнародная бяспека);
• Пытанні, якія тычацца інтэграцыі ў ЕС (у тым ліку эканоміка, міграцыя, правы чалавека і роўнасць);
• Грамадскае кіраванне і палітыка;
• Журналістыка.

Працэс падачы заявак:

• Падаваць заяўку трэба он-лайн, па электроннай сістэме Chevening;
• Заяўкі будуць прымацца да 23 снежня 2011 года.

Дадатковая інфармацыя на сайце Амбасады.